Qazaqstanda jalpy tabystyń 42%-yn bir bank ıelendi

ASTANA. QazAqparat - Qazaqstannyń bank sektoryndaǵy tabys deńgeıi tómendep jatyr, tek bir ǵana bank jalpy tabystyń 42%-yn ıelendi, dep habarlaıdy ranking.kz. 

2017 jyldyń qańtar-naýryz aıynda qazaqstandyq bankterdiń jıyntyq paıdasy 82,4 mlrd teńgeni qurady, bul kórsetkish 2016 jyldyń birinshi toqsanymen salystyrǵanda 14,1%-ǵa tómen.

Eger ótken jyldyń birinshi toqsanynda QR Ekinshi deńgeıli bankteriniń (EDB) ishinde 2 banktiń jalpy tabysy 48,7%-dan kelse, al 2017 jyly tek bir bank taza jıyntyq paıdanyń 42,4%-yn qurap otyr.

2017 jyldyń birinshi toqsanynda EDB arasynda eń kóp tabysqa Halyq banki ıe boldy. Onyń tabysy 34,9 mlrd teńgege jetip, QR EDB jalpy tabysynyń 42,4%-yn qurady. Ótken jyly atalmysh banktiń bul kórsetkishi 15,1 mlrd teńgeni, ıaǵnı QR EDB jalpy tabysynyń 15,7%-yn qurap, 2 oryndy enshilegen edi.

Bıylǵy kórsetkish boıynsha 6,9 mlrd teńgemen Kazkom ekinshi orynǵa shyqty. Bul kórsetkish ótken jylmen salystyrǵanda 78,2%-ǵa tómen. Kazkom ótken jyly 31,7 mlrd teńgemen kósh bastaǵan bolatyn.  

Úshtikti Sıtıbank túıindep tur. Onyń paıdasy 2016 jyldyń qańtar-naýryzymen salystyrǵanda 17,8%-ǵa azaıyp, 6,6 mlrd teńgeni qurady.