Qazaqstanda jalpy ishki ónim 3% tómendedi

NUR-SULTAN. QazAqparat – QR Ulttyq ekonomıka mınıstri Rýslan Dálenovjyl basynan bergi eldiń áleýmettik-ekonomıkalyq damý nátıjeleri týraly aıtty, dep habarlaıdy QazAqparat tilshisi.

«Tamyzdyń ekinshi jartysynda qyzmetter sektorynyń birqatar salalary jumysty qaıta bastady. Ekonomıkanyń naqty sektorynda ósý saqtalýda. Olar qurylys, aýyl sharýashylyǵy jáne óńdeý ónerkásibi. Daıyn ónim taýarlary eksportynyń ulǵaıýy baıqalady. Jyldyq ınflıatsııa 7%-ke deıin báseńdedi.

Taýarlar óndirisi 1,7% ósti. Sonymen birge, kórsetiletin qyzmetter 6,1% qysqardy. Nátıjesinde, jedel derekter boıynsha, jalpy ishki ónim 3% tómendedi», - dedi mınıstr Úkimet otyrysynda.

Óndiristik sektory salalarynda, onyń ishinde qurylys – 6,5%, aýyl sharýashylyǵy – 4,9% jáne óńdeý ónerkásibi – 3,3% ósim kórsetken.

«Sonymen birge, kórsetiletin qyzmetter sektory salalarynda, jyljymaıtyn múlikpen jasalatyn operatsııalar – 4,3%, ákimshilik qyzmetterdi kórsetý – 5,1, saýda – 10,5 jáne kólik qyzmetteri – 16,1% tómendeý baıqalady. Bul rette, baılanys qyzmetteri 8,3%-ke artty», - deıdi R. Dálenov.