Qazaqstanda jalǵan kýágerlik úshin 13 jylǵa deıin bas bostandyǵynan aıyrý jazasy qarastyrylatyn bolady - I.Merkel

ASTANA. 7 qazan. QazAqparat - Qazaqstanda jalǵan kýágerlik úshin 13 jylǵa deıin bas bostandyǵynan aıyrý jazasy qarastyrylatyn bolady. «KTK» telearnasynda «Halyq qyzmetshisi» baǵdarlamasynyń qonaǵy bolǵan QR Bas prokýrorynyń birinshi orynbasary Iogan Merkel osylaı dedi.

«Qazaqstannyń jańa Qylmystyq kodeksimen jumys isteý aıasynda biz jalǵan kýágerlik úshin de jazany qatańdattyq. Jalǵan kýágerlik úshin 13 jylǵa deıin bas bostandyǵynan aıyrylady. Bulaı bolmaǵan jaǵdaıda tergeý men sot ınstıtýttary durys jumys isteı almaıdy, ártúrli problemalar oryn alady. Búgin bir jaýap berip, erteń ony ózgertip shyǵa keledi, al bul úshin eshqandaı jaýapkershilik joq», - dedi I.Merkel.