Qazaqstanda jalǵa beriletin jer ýchaskeleriniń shekti ólshemi bekitiledi

NUR-SULTAN. QazAqaparat – Qazaqstandyqtarǵa jalǵa beriletin aýyl sharýashylyǵy maqsatyndaǵy jer ýchaskeleriniń shekti eń joǵarǵy ólshemin bekitý týraly arnaıy qaýly qabyldanady. Bul týraly QR Aýyl sharýashylyǵy mınıstrligi jer reformasy komıssııasynyń otyrysynda ekonomıkalyq jumys tobynyń jetekshisi Aqylbek Kúrishbaev aıtty, dep habarlaıdy QazAqparat tilshisi.

«Ekonomıkalyq máseleler boıynsha jumys tobynyń otyrysyna qazaqstandyqtarǵa jalǵa beriletin aýyl sharýashylyǵy maqsatyndaǵy jer ýchaskeleriniń shekti eń joǵarǵy ólshemin bekitý týraly QR Úkimetiniń qaýlysyn qabyldaý máselesi qaraldy. Bul – óte ózekti másele. Bul usynysty jumys tobynyń barlyq múshesi qoldady», - deıdi ekonomıkalyq jumys tobynyń basshysy Aqylbek Kúrishbaev.

Onyń aıtýynsha, taǵy bir másele – sybaılas jemqorlyq táýekelderin bolǵyzbas úshin saýda-sattyqsyz (konkýrssyz, aýktsıonsyz) jer berý kezinde ınvestıtsııalyq jobany aıqyndaý tártibin belgileý qaǵıdalaryn qabyldaý.

«Bul norma tıisti zańda qaralyp jatyr. Qazirgi ýaqytta kásipkerlik kodeksine ózgeris engizilýde. Bul máseleni kún tártibinen alyp, zańǵa engizý kerek degen usynysty otyrysqa qatysqandardyń bári qoldady», - deıdi ol.