Qazaqstanda jalǵa beriletin turǵyn úılerdiń salyǵy tómendetildi
«Báıterek» Ulttyq basqarýshy holdıngi» AQ baspasóz qyzmetiniń habarlaýynsha, QR Prezıdentiniń «Bolashaqqa bastar jol» attty Joldaýyna sáıkes QR Úkimeti 2020 jylǵa deıingi Óńirlerdi damytý baǵdarlamasyn qabyldady, onyń aıasynda Jaldamaly turǵyn úı baǵdarlamasy boıynsha baǵyttynyń operatory bolyp «Qazaqstan ıpotekalyq kompanııasy» AQ aıqyndaldy. Munyń ereksheligi Kompanııanyń áleýetti jalǵa alýshylary jergilikti atqarýshy organdarda kezekte turǵandar bolýy múmkin.
Jergilikti atqarýshy organdardaǵy turǵyn úı kezeginde áleýmettik álsiz toptar turǵandyqtan, kompanııa tólemi turǵyn úıdi jalǵa alýshyǵa bekitilgen múlikke salyq jarnasyn tómendetý boıynsha jumys júrgizildi.
Sonymen, kompanııa memlekettik organdarmen, mınıstrliktermen, depýtattyq korpýstarmen ózara is-qımyl kezinde QR Salyq kodeksine tıisti túzetýler engidi. Bul túzetýlerdi QR Prezıdenti qoldap, nátıjesinde 2015 jylǵy 27 sáýirde tıisti zań qabyldandy. Osy zańnyń negizinde 2016 jylǵy 1 qańtardan bastap turǵyn úıdi jalǵa alýshylar úshin salyq jeke tulǵalarǵa stavka boıynsha esepteledi, bul salyq júktemesin eleýli tómendetýge yqpal etedi.
Bul rette bul sheshim kezekte turǵandardyń negizgi bóligi menshikti úıleri, jınalǵan qarajaty joq halyqtyń álsiz toby bolǵandyqtan qabyldandy.
Eske salsaq, 2015 jyly kompanııa 427 470 sharshy metr turǵyn úıdi paıdalanýǵa berdi. 2016 jyly taǵy 326 000 sharshy metr turǵyn úı salmaq.