Qazaqstanda jaldamaly páter quny arzandap keledi

ASTANA. QazAqparat – Ótken jyldyń qańtar aıyndaǵy kórsetkishtermen salystyrǵanda bıyl jaldamaly páter quny 2,5%-ǵa tómendedi. Degenmen bastapqy jáne ekinshi naryqtaǵy baspanalar qymbattaǵan.

Bul týraly QazAqparat tilshisi Ulttyq statıstıka bıýrosyna silteme jasap habarlaıdy.

Bıýro dereginshe, byltyr jeltoqsannan bıylǵy qańtar aralyǵynda jańadan salynǵan turǵyn úılerdiń baǵasy 0,7%-ǵa qymbattap, bir sharshy metri 481 891 teńgege jetken. Bul rette baǵa kóterilgen óńirler kóshin Aqtaý qalasy bastap tur. Atalǵan shaharda bir jyl ishinde jańa baspana quny 28,2%-ǵa ósken. Aqtóbede ósim 25,4% bolsa, Petropavlda baǵa 20,9%-ǵa kóterilgen.

Al ekinshi naryqtaǵy páterler Semeıde - 46,8%, Qyzylordada - 38,8%, Aqtóbede - 37,3%, Aqtaýda - 35,4%, Taldyqorǵanda - 32,9% jáne Qostanaıda 31%-ǵa qymbattaǵan.

Málim bolǵandaı, jaldamaly páter baǵasy Qostanaı (55,6%), Kókshetaý (55,1%) jáne Almaty (50,7%) qalalarynda joǵarylaǵan.

Sonymen qosa paıdalanýǵa endi berilgen baspanalardy qaıta satatyndar baǵany 0,3%-ǵa () kóterip, bir sharshy metrin 515 019 teńgeden saýdalap jatyr.

Bul oraıda jóndeý jumystary júrgizilgen, turýǵa qolaıly jaǵdaı jasalǵan turǵyn úıdi jaldaý quny ár sharshy metri úshin - 4 671 teńge.