Qazaqstanda zeınetaqy jarnalarynyń derbestendirilgen esebin júrgizý qaǵıdalary bekitildi

<p>Eńbek jáne halyqty áleýmettik qorǵaý mınıstri óz buıryǵymen mindetti zeınetaqy jarnalarynyń, mindetti kásiptik zeınetaqy jarnalary men ósimpuldardyń derbestendirilgen esebin júrgizý qaǵıdalaryn bekitti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Azamattarǵa arnalǵan úkimet» memlekettik korporatsııasy mindetti zeınetaqy jarnalaryn, mindetti kásiptik zeınetaqy jarnalary men ósimpuldardy derbestendirilgen esebin salymshylardyń (alýshylardyń) derekqorynan alynǵan málimetter negizinde júrgizedi jáne árbir salymshy boıynsha mynadaı derbes derekterdi qamtıdy:

jeke sáıkestendirý nómiri (JSN);

salymshynyń tegi, aty, ákesiniń aty (bar bolsa), týǵan kúni, týǵan jeri, jynysy, turǵylyqty mekenjaıy, azamattyǵy;

jeke basyn kýálandyratyn qujattyń serııasy men nómiri, kórsetilgen qujattardyń berilgen kúni jáne olardy bergen organnyń ataýy;

jeke basyn kýálandyratyn qujattyń nómiri men Berilgen kúnin ózgertý týraly;

azamattyqty ózgertý týraly;

salymshynyń (alýshynyń)derekterin, mártebesin ózgertý týraly;

aýdarylǵan mindetti zeınetaqy jarnalary, mindetti kásiptik zeınetaqy jarnalary nemese ósimpuldar, sondaı-aq olardy qaıtarý týraly;

agenttiń ataýy men rekvızıtin qosa alǵanda, mindetti kásiptik zeınetaqy jarnalaryn tóleý jónindegi agentter týraly.

Óz kezeginde memlekettik korporatsııa málimetter men ózgeristerdi derekqorǵa ýaqytyly engizýdi qamtamasyz etedi. «Derbes derekter jáne olardy qorǵaý týraly» QR zańyna sáıkes, derekqorda qamtylǵan málimetterdiń senimdi saqtalýyn uıymdastyrady. Ár aıdyń 10-yna deıin ýákiletti organǵa mindetti zeınetaqy jarnalary salymshylarynyń, mindetti kásiptik zeınetaqy jarnalary aýdarylǵan jeke tulǵalardyń sany, sondaı-aq somalary jáne agentterdiń sany týraly málimetterdi usynady.

Memlekettik korporatsııa kún saıyn salymshylardyń derekterin «Jeke tulǵalar» memlekettik derekqoryndaǵy málimettermen salystyryp, tekserý júrgizedi. Mindetti zeınetaqy jarnalary, mindetti kásiptik zeınetaqy jarnalary salymshylarynyń derekterinde tegi, aty, ákesiniń aty, týǵan kúni, JSN jáne jynysy boıynsha sáıkessizdikter anyqtalsa, Memlekettik korporatsııa mindetti zeınetaqy jarnalary, mindetti kásiptik zeınetaqy jarnalary salymshysynyń derekterin bir kún ishinde «Jeke tulǵalar» memlekettik derekqoryndaǵy málimetke sáıkes keltiredi.

Salymshy (alýshy) derekteriniń ózgerýi týraly málimetterdi BJZQ-ǵa berý Memlekettik korporatsııa men BJZQ arasyndaǵy shartpen aıqyndalǵan elektrondy tásilmen derekqorǵa ózgerister engizilgen kúnnen keıingi bir jumys kúninen keshiktirilmeı júzege asyrylady.

Aıta keteıik, atalǵan buıryq 2023 jyldyń 9 tamyzynda shyqqan jáne 9 jeltoqsanda kúshine enedi.