Qazaqstanda zańsyz júrgen Mysyr azamattary ustaldy

NUR-SULTAN. QazAqparat – Kólik polıtseıleri Qazaqstannyń memlekettik shekarasyn zańsyz kesip ótken Mysyrdyń 2 azamatyn ustady, dep habarlaıdy QazAqparat tilshisi.

Bul týraly vedomstvonyń baspasóz qyzmeti málim etti.

«17 qarashada Petropavl stantsııasyndaǵy jelilik polıtsııa bóliminiń qyzmetkerleri «Almaty-Petropavl» baǵytynda jolaýshylar poıyzyn tekserý kezinde Petropavl temirjol vokzalynyń polıtsııa bólimshesine eki er adamdy jetkizdi. Olardyń Qazaqstan Respýblıkasynyń memlekettik shekarasynan zańsyz ótken 21 jáne 28 jastaǵy Mysyr azamattary ekendigi anyqtaldy», - delingen departamenttiń baspasóz qyzmetiniń habarlamasynda.

Atalǵan fakti boıynsha Qylmystyq kodekstiń 392-babynyń 1-bóligi boıynsha sotqa deıingi tergep-tekserý bastaldy.