Qazaqstanda zańsyz shyǵarylǵan aktıvterdi qaıtarý jónindegi komıtet qurylady

<p>Bas prokýror orynbasary Áset Shyndalıev jaqynda zańsyz shyǵarylǵan aktıvterdi qaıtarý jónindegi komıtet qurylatynyn aıtty, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.&nbsp;</p>

«Bas prokýratýra janynan tıisti komıtet qurylady. Qazir bul baǵytta qujattardy kelisý rásimi iske asyrylyp jatyr. Jaqynda komıtet qurylady», - dedi Á.Shyndalıev Parlament Májilisinde tilshiler suraǵyna jaýap bere otyryp.

Onyń aıtýynsha, shetelden qaıtarylǵan aktıvterdiń jalpy somasy 400 mlrd teńgeden asty.

«Qaı memleketten qansha qaıtarylǵanyn qazir naqty aıta almaımyn. Qurylatyn komıtet zańsyz shyǵarylǵan aktıvterdi anyqtaıdy», - dedi Bas prokýrordyń orynbasary.

Budan buryn habarlanǵandaı, jaqynda Premer-Mınıstr Álıhan Smaıylov «Qaıtarylǵan aktıvterdi basqarý kompanııasy» JShS qurý máseleleri týraly» Úkimet qaýlysyna qol qoıdy.

Aıta keteıik, bıyl maýsym aıynda Senat «Zańsyz ıemdelgen aktıvterdi memleketke qaıtarý týraly» QR Zańyn maquldady.

Onyń aıasynda zańsyz ıemdelgen aktıvterdi qaıtarý máseleleri boıynsha komıssııa qurý eskerilgen. Onyń quramyna Parlament depýtattary, qoǵam qaıratkerleri, Úkimet músheleri kiredi.

Sonymen qatar Bas prokýratýranyń qurylymynda zańsyz shyǵarylǵan aktıvterdi qaıtarý jónindegi jeke vedomstvo qurylady. Ol osy saladaǵy ýákiletti organnyń fýnktsııalaryn oryndaıdy.