Qazaqstanda zańgerler tegin kómek kórsetpek

ASTANA. QazAqparat - QR Ádilet mınıstrligi áleýmettik zańgerlik kómekti keshendi túrde engizýdi usynyp otyr. Bul týraly Májiliste QR Ádilet mınıstriniń orynbasary Janat Eshmaǵambetov málim etti, dep habarlaıdy QazAqparat.

Zań jobasynda keshendi áleýmettik zańgerlik kómek degen ataýmen pro bono bastamasymen kómek kórsetý qarastyrylǵan.

«Qazaqstan pro bono-ny engizý áleýmettik ári qarjylyq qıyn jaǵdaıǵa tap bolǵan azamattarǵa zańgerlik qoldaý jasaýǵa múmkindik beredi. Osy oraıda, advokattar nemese zań konsýltanttarynan mundaı kómek alý úzdik álemdik tájirıbege saı kelip otyr. Osyndaı kómekti usyný taraptardyń erikti kelisimine negizdeledi jáne jalpy ereje boıynsha aqysyz bolady», - dedi Eshmaǵambetov «Advokattyq qyzmet jáne zań kómegi týraly» zań jobasyn tanystyrý barysynda.

Onyń sózine qaraǵanda, atalǵan qyzmetti kórsetý kólemi men tártibin zań konsýltanttary palatalarymen jáne Respýblıkalyq advokattar  alqasymen óz erkimen bekitiledi.

Bul júıe AQSh, Frantsııa jáne basqa elderde keńinen taraǵan. Osy oraıda bıýdjetten óteýsiz túrde tegin  zań kómegin zańgerler tarapynan barynsha kórsetýdi qarastyrady. Bul sharalardy Qazaqstanda engizý azamattardyń sot tóreligine qol jetimdigin nyǵaıtady, sondaı-aq quqyqtyq jaýapkershilik pen zańgerlik saýattylyqty arttyrýǵa yqpal etedi.