Qazaqstanda zańdy tulǵalardy tirkeý erejeleri ózgeredi

<p>ASTANA. KAZINFORM &ndash; Ádilet mınıstrligi zańdy tulǵalardy tirkeý týraly memlekettik qyzmet qaǵıdalaryna túzetýler engizýdi josparlap otyr. Qujat jobasy <a href="https://legalacts.egov.kz/npa/view?id=15308857" target="_blank" rel="noopener">&laquo;Ashyq NQA&raquo;</a> portalynda jarııalandy.&nbsp;</p>

Qujat jobasynda kommertsııalyq emes uıymdarǵa jatatyn zańdy tulǵalardy memlekettik tirkeýdi jáne olardyń fılıaldary men ókildikterin esepke alýdy Ádilet mınıstrliginiń Tirkeý qyzmeti jáne zań qyzmetterin uıymdastyrý komıteti men aýmaqtyq ádilet organdary júzege asyratyny aıtylǵan.

Sonymen qatar atalǵan komıtet respýblıkalyq jáne óńirlik mártebesi bar qoǵamdyq jáne dinı birlestikterdi, onyń ishinde saıası partııalardy, respýblıkalyq notarıattyq palatany, respýblıkalyq advokattar alqasyn, respýblıkalyq jeke sot oryndaýshylary palatasyn, ulttyq kásipkerler palatasyn, sot sarapshylary palatasyn, Qazaqstannyń tórelik palatalaryn, respýblıkalyq zań konsýltanttary alqasyn tirkeıdi.

Odan bólek, sheteldik jáne halyqaralyq kommertsııalyq emes, úkimettik emes birlestikterdiń ókildikterin esepke alady.

Qujat jobasyndaǵy taǵy bir jańashyldyq zańdy tulǵany tirkeý, sondaı-aq fılıaldy (ókildikti) esepke qoıý «Elektrondyq úkimettiń» veb-portalymen qatar ekinshi deńgeıdegi bankterdi aqparattandyrý obektileri arqyly da elektrondyq ótinish berý múmkindigi qaralǵan.

Qujat jobasy 2024 jylǵy 9 jeltoqsanǵa deıin qoǵamdyq talqylaýǵa usynyldy.

Osyǵan deıin Astanada eńbek zańnamasyn saqtamaǵan zańdy tulǵalarǵa 20 mln teńge aıyppul salynǵany týraly jazdyq.