Qazaqstanda yqtımal órt oshaqtaryn áýeden patrýldeý maýsymy bastaldy

NUR-SULTAN. QazAqparat - Úkimet otyrysynda QR Tótenshe jaǵdaılar mınıstri ıÝrıı Ilın eldegi yqtımal órt oshaqtaryn áýeden patrýldeý maýsymy bastalǵanyn málim etti, dep habarlaıdy QazAqparat tilshisi.

«Órtke qarsy qyzmet ókilderi sharýa qojalyqtaryn aralaýdy qaıta bastady. Sonyń barysynda qyzmetkerler men basshylarǵa nusqaý berip, alǵashqy órt sóndirý quraldarynyń bar-joǵyn tekseredi, usynymdary bar arnaıy jadynamalar taratady.

Mamyr aıynyń sońyna deıin mınıstrliktiń órt ınspektsııasy Ekologııa mınıstrligine baǵynysty Ulttyq parkterdi, tabıǵı qoryqtardy tekserýdi aıaqtaıdy.

Ormandar men dalalardyń tutaný oshaqtaryn der kezinde anyqtaý úshin turaqty avıatsııalyq patrýldeý bastaldy», - dedi mınıstr.

Vedomstvo basshysynyń málimeti boıynsha, Qyzylorda jáne Túrkistan oblystarynan basqa óńirlerdiń bári «Qazaqstan Ǵarysh Sapary» AQ-men órt táýekeli bar aımaqtardy ǵaryshtan monıtorıngileý qyzmetterin alý týraly kelisimsharttar jasalǵan.

«Shekara mańyndaǵy aýmaqtardaǵy ózara is-qımyl máselelerin pysyqtaý úshin Reseıdiń Tótenshe jaǵdaılar mınıstrliginiń bólimshelerimen 8 shektes óńirdiń órt-taktıkalyq oqý-jattyǵýlaryn ótkizý josparlanǵan», - dedi ıÝrıı Ilın.

Mınıstrdiń málimeti boıynsha, bıyl iri órt oshaqtaryn aýyzdyqtaýǵa 39 myń adamdyq qosymsha top ázirlenip otyr.