Qazaqstanda ıadrolyq synaqtan zardap shekken 3 myńdaı adamǵa ótemaqy taǵaıyndaldy
29 tamyz – Halyqaralyq ıadrolyq synaqtarǵa qarsy kúres kúni. Qazaqstanda ıadrolyq synaqtar 40 jyl boıy júrgizilgen.
«Azamattarǵa arnalǵan úkimet» memlekettik korporatsııasy jyl basynan beri Semeı ıadrolyq synaq polıgonynan zardap shekkenderge birjolǵy memlekettik aqshalaı ótemaqy boıynsha 2 924 tólem taǵaıyndady. Zardap shekkenderge beriletin ótemaqy mólsheri radıatsııalyq qaýip aımaqtaryna qaraı bólinedi», delingen habarlamada.
Atalǵan birjolǵy ótemaqyny alý úshin synaq saldarynan zardap shekken aımaqta turǵandar tirkeýden ótip, tıisti kýálik alýy tıis. Bul úshin memlekettik korporatsııanyń front-ofısine júginý qajet.
Qyzmetti alý úshin azamattar ótinish jazyp, tólqujat kóshirmesin, mekenjaı anyqtamasyn, banktegi shotynyń nómirin, sondaı-aq 1949-1990 jj. ıadrolyq synaqtar ótken aımaqta turý faktisin rastaıtyn qujattaryn ótkizedi.
Aıta keteıik, 2019 jyldyń alǵashqy alty aıynda Semeı polıgonynan zardap shekken azamattarǵa 5,7 myń kýálik berildi.