Qazaqstanda «WorldSkills Kazakhstan 2021» VI Respýblıkalyq chempıonaty bastaldy
«Qurmetti áriptester, Ulttyq chempıonatqa qatysýshylar! Barshańyzdy chempıonattyń bastalýymen quttyqtaımyn!. Birneshe jyl buryn biz WorldsSkills álemdik qozǵalysyna qosylyp, 50-orynda turaqtaǵan edik. Qazirdiń ózinde biz álemdik reıtıngtegi pozıtsııamyzdy edáýir kúsheıtip, 14-shi orynǵa ıe bolyp otyrmyz. Bul aıtarlyqtaı jetistik, biraq biz aldymyzǵa budan da órshil mindetter qoıýymyz kerek. Kelesi jyly Shanhaıda ótetin halyqaralyq chempıonatta biz tehnıkalyq jáne kásiptik bilim berýde úzdik komandalardyń alǵashqy ondyǵyna kirýimiz qajet. Men stýdentterimizge senim artamyn. Álbette, bul qol jetkizýge bolatyn mindet dep sanaımyn. Sizderge tolaǵaı tabys pen jeńis tileımin», – dedi mınıstr Ashat Aımaǵambetov quttyqtaý sózinde.
Bilim jáne ǵylym mınıstri memleket tehnıkalyq jáne kásiptik bilim berýdi damytýǵa erekshe kóńil bóletinin atap ótti. Prezıdenttiń tapsyrmasy boıynsha 2025 jylǵa qaraı barlyq tilek bildirýshi tegin tehnıkalyq jáne kásiptik bilimmen qamtamasyz etiledi.
«Jas maman» baǵdarlamasy boıynsha elimizdiń 180 kolledji zamanaýı quraldarmen jabdyqtaldy, olar arqyly stýdentter praktıkalyq bilim men daǵdylar alady. Materıaldyq-tehnıkalyq bazany nyǵaıtýdyń arqasynda biz Chempıonatty ótkizý geografııasyn keńeıttik. Bıyl ol saıys 8 qalada ótedi», – dedi Ashat Aımaǵambetov.
«WorldSkills Kazakhstan 2021» respýblıkalyq chempıonaty 1 qarasha men 10 jeltoqsan aralyǵynda Nur-Sultan, Almaty, Aqtaý, Atyraý, Kókshetaý, Qostanaı, Qaraǵandy, Semeı qalalaryndaǵy kolledjder bazasynda ótedi. Barlyǵy 18 jarys alańy uıymdastyryldy. Elimizdiń barlyq óńirinen kelgen 450-den astam jas maman 30 negizgi jáne 40-tan astam qosymsha quzyretter boıynsha óz daǵdylaryn kórsetedi. Olar kelesi bloktarǵa bólingen: «Aqparattyq-kabeldik jeliler», «Mehatronıka», «Injenerlik grafıka CAD», «Bızneske arnalǵan IT-sheshimder», «Bastaýysh synyptarda oqytý», «Mektepke deıingi tárbıe», «Mobıldi robototehnıka», «Jeńil avtomobılderdi jóndeý jáne qyzmet kórsetý» jáne basqalar. Qatysýshylardyń, ıaǵnı kolledjder men JOO stýdentteriniń, sondaı-aq kásiporyndardaǵy jas qyzmetkerlerdiń jumysyn 500-ge jýyq sarapshy baǵalaıtyn bolady.
Aıta keteıik, WorldSkills halyqaralyq qozǵalysy jumysshy mamandyqtarynyń bedelin arttyrýǵa jáne olardy tanymal etýge baǵyttalǵan ári bilikti kadrlardy daıarlaýda jańa trendter jasaıdy. Oǵan álemniń 80-nen astam eli qatysýda.
Qazaqstan WorldSkills International (WSІ), WorldSkills Europe (WSE) jáne WorldSkills Asia (WSA) tolyq quqyqty múshesi bolyp tabylady. Bıyl Eýropa chempıonatynda qazaqstandyq Dına Afanaseva alǵash ret «Veb-ázirleý» quzyrettiligi boıynsha qola medalǵa ıe boldy. Qazaqstannyń WSE reıtıngi 2016 jylmen salystyrǵanda 20 pozıtsııaǵa nyǵaıyp, 9 orynǵa jetti.