Qazaqstanda volonterlyq ınstıtýtty damytý kerek - Qanat Saýdabaev

A. Qarashanyń 24-i. QazAqparat /Rýslan Ǵabbasov/ - Qazaqstanda  volonterlyq ınstıtýtty damytý kerek. Bul týraly búgin IV Azamattyq forýmnyń plenarlyq otyrysynda sóılegen sózinde QR Memlekettik hatshysy - Syrtqy ister mınıstri Qanat Saýdabaev málim etti,

 dep habarlaıdy QazAqparat.

Onyń aıtýynsha, kóptegen  memleketterde volonterlyq  ınstıtýt áleýmettik  qyzmetinen basqa  naǵyz otansúıgish azamattardy tárbıeleýdiń qaýqarly ári tıimdi mektebi bolyp tabylady.

Osy oraıda Q. Saýdabaev shet elderdegi keıbir tanymal saıasatkerler men memlekettik qaıratkerlerdiń jas kezderinde  volonterlyqpen aınalysqanyna toqtaldy.  Atap aıtqanda, olar óz memleketterinde, sondaı aq basqa da elderde osy belsendi ispen shuǵyldanǵan.

Elimiz úshin volonterlyq ınstıtýtyn damytý úlken mańyzǵa ıe bolyp otyrǵanyn aıtyp ótken Memlekettik hatshy, bul baǵyttaǵy sharalardy ÚEU-lar, sonymen birge memlekettik qurylymdar  qoldaýlary qajet ekenin jetkizdi.