Qazaqstanda vırtýaldy uıaly baılanys operatory iske qosylmaq

<p>ASTANA. KAZINFORM &ndash; Elimizde vırtýaldy uıaly baılanys operatoryn engizý qarastyrylyp jatyr. Bul norma Májilistiń jalpy otyrysynda talqylanǵan zań jobasynda eskerilgen.</p>

Vırtýaldy baılanys operatorlary – baılanys qyzmetteriniń agregatorlary.

Májilis depýtaty Ekaterına Smyshlıaeva qazir vırtýaldy baılanys operatoryn paıdalaný boıynsha halyqaralyq tájirıbe qalyptasqanyn aıtty. Olar qazir jumys istep turǵan baılanys operatorlarynan trafıkti jalǵa alady.

«Osynyń ereksheligine toqtalsaq, olar operatorlardyń shekteýsiz sanymen kelisimshart jasaı alady, ıaǵnı barlyq operatormen shart bekitý múmkindigi bolady. Sondyqtan onyń ámbebap SIM-kartasy jaqyn turǵan kez kelgen antennadan baılanys sıgnalyn alady», - dedi depýtat.

Mundaı kartalarǵa arnalǵan tarıfter birshama qymbatyraq bolady, sondaı-aq búkil el boıynsha úzdiksiz baılanysqa múmkindik jasalady.