Qazaqstanda valıýta operatsııalaryn júzege asyrý qaǵıdalary bekitildi
10:55, 30 Sáýir 2019
NUR-SULTAN. QazAqparat - «Qazaqstan Respýblıkasynda valıýtalyq operatsııalardy júzege asyrý qaǵıdalaryn bekitý týraly» QR Ulttyq banki basqarmasynyń 2019 jylǵy 30 naýryzdaǵy № 40 qaýlysy qabyldandy, dep habarlaıdy QazAqparat QR Ulttyq bankiniń baspasóz qyzmetine silteme jasap.
«Qaǵıdalar «Valıýtalyq retteý jáne valıýtalyq baqylaý týraly» 2018 jylǵy 2 shildedegi QR Zańyna jáne ózge de zańnamalyq aktilerge sáıkes ázirlenip rezıdentterdiń jáne beırezıdentterdiń Qazaqstandaǵy valıýtalyq operatsııalardy júzege asyrý tártibin aıqyndaıdy», delingen habarlamada.
Qaǵıdalar Ádilet mınıstrliginde 2019 jylǵy 15 sáýirde № 18512 bolyp tirkelgen. Qaǵıdalar 2019 jylǵy 1 shildede qoldanysqa engiziledi.
Qaǵıdalardyń tolyq mátinimen Qazaqstan Ulttyq bankiniń saıtynda tanysýǵa bolady.