Qazaqstanda vaktsınatsııanyń arqasynda qyzylshanyń beti qaıtty — DSM
Qańtardyń sońǵy úsh aptasynda aýrýdyń tómendegeni baıqalady.
Sonymen, qańtar aıynda syrqattaný ótken jylǵy jeltoqsannyń uqsas kezeńimen salystyrǵanda el boıynsha 8%-ǵa tómendedi.
Qosymsha jappaı ımmýndaý sheńberinde 6-10 aılyq balalardyń 70%-dan astamy, sondaı-aq 2-4 jas aralyǵyndaǵy balalar egildi, ıaǵnı mıllıonnan astam halyq vaktsınatsııalandy.
1 jastaǵy balalardy qyzylshaǵa qarsy josparly vaktsınatsııalaýmen qamtý 100,7%-ǵa deıin, al 6 jastaǵy balalardy DDU usynǵan 95,5%-dan kem emes deńgeı kezinde 99,6%-ǵa jetti.
27 myńnan astam buryn egilmegen baılanysta bolǵan adamdardyń oshaqtarynda shuǵyl vaktsınatsııa júrgizildi.
Buryn vaktsınatsııalaýdy ótkizip alǵan 18 jasqa deıingi 178 myńnan astam bala egildi.
Jalpy, halyqty josparly vaktsınamen, qosymsha jappaı ımmýndaýmen, reprodýktıvti R sanymen, sondaı-aq tirkelgen jaǵdaılardyń sanymen qamtý kórsetkishteri boıynsha eldegi qyzylsha boıynsha jaǵdaıdyń turaqtanǵanyn atap ótýge bolady.
Búgingi tańda qyzylshamen aýyratyn balalardy aýrýhanaǵa jatqyzýdyń oń úrdisi baıqalady.
2023 jylǵy jeltoqsanmen salystyrǵanda emdeý deńgeıi 25%-ǵa tómendegen.
Tósek qorynyń ortasha qamtylýy — el boıynsha 52%.
Astana qalasynda, Aqmola, Pavlodar jáne Jambyl oblystarynda tósek-orynmen qamtý joǵary deńgeıde saqtalyp otyr.
Mınıstrlik jaǵdaıy aýyr búkil balalarǵa monıtorıng júrgizedi, qajet bolǵan jaǵdaıda respýblıkalyq deńgeıdegi túrli beıindegi mamandardy tarta otyryp, telemedıtsınalyq konsýltatsııa ótkizedi.
«Ata-analardy balasyna qyzylshaǵa qarsy ekpe saldyrýǵa shaqyramyz. Vaktsınatsııa bolmaǵan jaǵdaıda, tirkelgen jeri boıynsha medıtsınalyq uıymda ekpe alýýdy usynamyz. Eger aýrý belgileri paıda bolsa, asqyný bolmas úshin jáne basqalarǵa juqtyrmas úshin ýaqtyly medıtsınalyq kómekke júginý qajet. Egý jáne aýrýdyń aldyn alý nemese aýrýdyń aǵymyn jeńildetý qyzylshanyń aýyr túrimen aýyrǵannan góri jeńilirek» dep eskertedi Densaýlyq saqtaý mınıstrliginen.