Qazaqstanda vaktsınalardy tekserýge erekshe mán berilgen - ǵalym

NUR-SULTAN. QazAqparat - QR Densaýlyq saqtaý mınıstrligi halyqty ımmýndaý jónindegi ulttyq konsýltatıvtik komıssııasynyń múshesi, medıtsına ǵylymdarynyń doktory, professor Jannat Satybaldıeva Qazaqstanda vaktsınalardy tekserýge erekshe mán beriletinin aıtty, dep habarlaıdy QazAqparat tilshisi.

«Kóptegen elderde vaktsınalardy óndirýdi bastady, onyń ishinde Qazaqstan da kiristi. Qazir «Spýtnık V» vaktsınasy qazaqstandyq farmatsevtıkalyq keshende shyǵarylyp jatyr. Bul zamanýı zaýyt GMP talaptaryna sáıkes keledi, bul kezeginde tıisti óndiris tájirıbesi bar degendi bildiredi», - dedi J. Satybaldıeva vaktsına taqyrybyna arnalǵan onlaın talqylaý barysynda.

Onyń aıtýynsha, bul vaktsınanyń tehnologııalyq palatformasy erterekte qabyldandy, ıaǵnı osy platformaǵa 20 jylǵa jýyqtady. Ol bıotehnologııalyq ádister kómegimen alyndy. «Spýtnık V» vaktsınasy synyń eki dozasyn alǵannan keıin, adam aǵzasynda erekshe qorǵanys ımmýnıteti qalyptasady.

Sonymen qatar ǵalym Qazaqstan ǵalymdary synaqtan ótkizgen otandyq vaktsınaǵa toqtaldy.

«QazCovid-In nemese QazVac vaktsınasyna toqtalsaq, bul ekpede aıtarlyqtaı tanymal tehnologııalyq platforma eskerilgen. Bul klassıkalyq tehnologııalyq protsedýra bolyp otyr. Onyń kómegimen koronavırýs ınfektsııasy qozdyrǵyshynyń bıologııalyq massasy shyǵady. Osy oraıda hromotografııalyq aıryqsha ádister arqyly kúrdeli baǵalaý júrgiziledi. Keıinnen dozalar pysyqtalyp, daıyn vaktsınany óndirýdiń birqatar rásimderi júrgiziledi», - dedi Jannat Satybaldıeva.

«Bul vaktsınalardy tekserý protsedýrasy aıtarlyqtaı kúrdeli. Pandemııa jaǵdaıynyń ózinde Qazaqstan jappaı paıdalanýǵa ruqsat alardyń aldynda tyńǵylyqty tekserip keledi», - dedi ǵalym.

Eske salsaq, COVID-19-ǵa qarsy qazaqstandyq vaktsına synaǵynyń ІІІ kezeńi ótýde.

«QazCovid-in vaktsınasy qazirgi ýaqytta Bıologııalyq qaýipsizdik problemalary ǵylymı-zertteý ınstıtýtynda óndirilip jatqany týraly habarlaǵan bolatynbyz.

Qazaqstandyq QazVac vaktsınasynyń alǵashqy partııasy jóneltildi.

Sonymen qatar, qazaqstandyq vaktsınanyń artyqshylyqtary jáne vaktsınadan keıin antıdene qansha ýaqyt saqtalatyndyǵy týraly jazdyq.