Qazaqstanda vaktsınatsııa qarqyny tómendedi
«Sáýirde vaktsınatsııa qarqyny táýligine 100 myńnan asqan edi. Búginde bul tsıfr táýligine 30 myńnan 60 myńǵa deıingi aralyqty quraıdy. Degenmen, biz mınıstrliktiń birinshi kezektegi mindeti halyqtyń vaktsına alýy múmkindigin qamtamasyz etý ekendigin túsinemiz. Qazir halyqtyń vaktsına alýdaǵy belsendiligi tómendegeni baıqalady. Bul eń aldymen mamyrdaǵy merekeleriniń uzaqtyǵymen baılanysty bolǵan da shyǵar. Qalaı degende de halyqtyń túsinistik pen belsendilik tanytatyndyǵyna úmit artamyz jáne óńirlerde medıtsına qyzmetkerlerimen, emhanalarmen, bıznespen aqparattyq túsindirý jumystaryn kúsheıtemiz. Bul adamdardy keńinen qamtý, buǵan deıin jarııa etken josparymyzdy oryndaý úshin jasalady», - dedi birinshi vıtse-mınıstr Ortalyq kommýnıkatsııalar qyzmetindegi baspasóz máslıhaty barysynda.
Sonymen qatar ol emhanalarda vaktsınanyń keıbir túrleriniń jetispeýshiligine qatysty máselege oraı túsindirme berdi.
«Vaktsına alýǵa baratyn adamdarǵa biz birneshe márte qolda bar vaktsınany ektirýge keńes bergen edik», - dedi Marat Shoranov.