Qazaqstanda uıaly baılanys sapasynyń mınımaldy shegi retteledi

NUR-SULTAN. QazAqparat – Qazaqstanda baılanys sapasynyń mınımaldy shegi retteledi. Bul týraly búgin Úkimet otyrysynda QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy QazAqparat tilshisi.

«Baılanys salasy boıynsha ótken jyly 2 aýqymdy joba iske asyryldy. Osylaısha 5 330 aýyldy ınternetpen qamtamasyz etý jumysy aıaqtaldy. Biraq, tekserý júrgizdik. 510 aýylda ınternet jyldamdyǵyna qatysty másele qalyp otyr. Kelesi eki jyl baılanys sapasyn jaqsartý boıynsha jumys júrgizemiz. ıAǵnı, 286 aýyldy 3G-4 G standarttaryna aýystyrý, 224 aýyldy spýtnıktik transmıssııadan talshyqty baılanys jelisine aýystyrý, sany 250 adamnan kem 242 aýylǵa mobıldi ınternet ótkizemiz. Jalpy alǵanda 750 aýylda ınternet sapasy edáýir ósedi. 2021 jyly operatorlar 752 bazalyq stansa salady. Oǵan qosa taǵy 560 stansany jańartady», - dedi mınıstr.

Sonymen qatar ol qalalalarda da baılanys salasynda problemalar bar ekendigin aıta kele, ákimderden bazalyq stansalarda ornatý úshin operatorlarǵa ǵımarattarǵa ruqsat alýdy qamtamasyz etýge, antenalar ornalastyrý oryndaryn izdestirýge kómek kórsetýdi ótindi.

«Buryn baılanys sapasynyń mınımaldy shegi rettelmegen edi. Biz arnaýly buıryq jobasyn ázirledik. Onda baılanys sapasy kórsetkishterin anyqtadyq. Mysaly, 4G baılanys standarty boıynsha keminde sekýndyna 5 MB qajet etiletindigi aıqyndaldy. Qujat kópshilik talqylaýdan ótti. Memlekettik organdarmen kelisip, eki aıdyń ishinde buıryqty qabyldaıtyn bolamyz», - dedi Baǵdat Mýsın.