Qazaqstanda úı janýarlaryn tirkeý mindetti bolady
«2023 jyldyń 1 qyrkúıeginen bastap janýarlardyń ıeleri úı janýarlaryn tirkeýi kerek. Esepke alýdyń tolyq tártibi tıisti erejelerde aıqyndalatyn bolady. Esepke alý ıelerdiń esebinen júzege asty. Al halyqtyń áleýmettik osal toptaryna jatatyn azamattarǵa bul rásimdi memleket tóleıdi. Sondaı-aq, ıtterdiń ıesiz, jalǵyz júrýine zańmen tyıym salynady», - dedi spıker ortalyq kommýnıkatsııalar qyzmetinde ótken baspasóz máslıhatynda.
Sonymen qatar, normatıvtik-quqyqtyq aktilerdiń birqatar jobasy qańǵybas janýarlarmen jumys isteýdi retteýge baǵyttalǵan.
Máselen: janýarlardy aýlaýdyń, ýaqytsha ustaýdyń jáne jansyzdandyrýdyń úlgilik qaǵıdalary; qańǵybas janýarlardy egý jáne zararsyzdandyrý erejeleri jáne janýarlarǵa arnalǵan ortalyqty esepke alý jáne qyzmet etý erejeleri.
«Zań kúshine engen soń, Qazaqstanda qańǵybas janýarlardy aýlaý praktıkasy toqtatylady, al olardyń sanyn retteý memlekettik bıýdjet qarajaty esebinen sterıldeý jolymen ǵana júzege asyrylatyn bolady. Bul rette janýarlardy aýlaýdyń úlgilik qaǵıdalarynyń jobasy sheńberinde ıesi bar ekenin bildiretin belgileri bar janýarlardy sterıldeýge tyıym salý josparlanýda», - dedi á. Shalabekova.
Aıta keteıik, «Janýarlarǵa jaýapkershilikpen qaraý týraly» zań 2 naýryzdan bastap óz kúshine enedi.