Qazaqstanda úı janýarlaryn mindetti esepke alý engiziledi
«Zań jobasy (Janýarlarǵa jaýapkershilikpen qaraý týraly» zań jobasyn) úı janýarlary ıeleriniń qarajaty esebinen aqyly negizde esepke alý quralyn qoldaný arqyly úı janýarlaryn mindetti esepke alýdy engizedi. Ony josparly iske asyrý jáne úı janýarlaryn esepke alýdy júzege asyratyn uıymdarǵa, sondaı-aq olardyń ıelerine birjolǵy jappaı júktemeni boldyrmaý maqsatynda zań jobasynda úı janýarlaryn mindetti esepke alýdy keıinge qaldyrý normasy kózdelgen. Úı janýarlaryn mindetti esepke alý 2023 jylǵy 1 qyrkúıekten bastap engiziledi», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, janýarlardy ustaý salasynda «qoǵamdyq ınspektorlar» uǵymyn engizý de usynylady. Al janýarlarǵa qaraý salasynda qoǵamdyq baqylaý júrgizýdiń neǵurlym egjeı-tegjeıli tártibin ýákiletti organ aıqyndaıdy.
«Jergilikti atqarýshy organdarǵa janýarlarǵa arnalǵan panajaılardyń qyzmetin aqparattyq qamtamasyz etýdi, janýarlardy ıelerine berýge, joǵalǵan janýarlardyń ıelerin izdestirýge jáne úı janýarlaryn bıosterılızatsııalaý qajettiligi týraly habardar etýge baǵyttalǵan áleýmettik jarnamany uıymdastyrý quzyret beriledi», - dedi ol.