Qazaqstanda ushaq jóndeıtin Ortalyq Azııadaǵy iri kásiporyn ashyldy

ASTANA. QazAqparat - Astanadaǵy jalpyulttyq telekópir barysynda óz avıalaınerleri men basqa da áýe kompanııalarynyń ushaqtaryna tehnıkalyq qyzmet kórsetetin «Eır Astana» avıatsııalyq tehnıkalyq ortalyǵy jumysyn bastady, dep habarlaıdy QazAqparat.

«Eır Astana» Ortalyq Azııada iri avıajóndeý kásipornyn qurý boıynsha jobany júzege asyryp jatyr. Tehnıkalyq qyzmet kórsetý Eýropalyq avıatsııalyq qaýipsizdik agenttiginiń standarttaryna sáıkes júrgiziledi. Osy oraıda ózimizdiń jáne basqa da kompanııalardyń ushaqtaryna qyzmet kórsetemiz. Bul óz kezeginde Astananyń áýe haby retinde damýyna eleýli úles qosady dep sanaımyz»,- deıdi «Eır Astana» AQ prezıdenti Pıter Foster.

Aıta keteıik, búgin Memleket basshysy Nursultan Nazarbaevtyń qatysýymen «Jańa ındýstrııalandyrý: qazaqstandyq barystyń qadamy» ulttyq telekópiri ótip jatyr. Shara barysynda onlaın rejıminde búkil el boıynsha jańa ındýstrııalyq-ınnovatsııalyq, ınfraqurylymdyq, energetıkalyq, agroónerkásiptik jobalar iske qosylýda.