Qazaqstanda úsh tildilik bilim berýdi engizýdiń máni halyqtyń qazaq tilin jappaı meńgerýine negizdelip otyr - E. Saǵadıev

ASTANA. QazAqparat - QR Bilim jáne ǵylym mınıstri Erlan Saǵadıev úsh tildi bilim berýdiń basty mańyzy Qazaqstan halqyna qazaq tilin jappaı ıgerýge negizdelgenin málimdedi.

«Ne úshin úsh tildikti damytý kerek? Búginde bilimniń, ǵylymnyń, aqparattyń bolashaǵy, sondaı-aq ulttyq qabilettiligi aǵylshyn tilin bilýge baılanysty ekenine kúmán joq. Tildi meńgerýdi mektepten bastaý kerek. Osy rette birtindep bilim deńgeıin joǵarylatyp, joǵary synyptarda pándik oqýǵa kóshý kerek. Degenmen de Qazaqstanda úsh tildilik bilim berýdi engizý mán-jaıynyń eń mańyzyn túsiný kerek, ıaǵnı bul qadam turǵyndardyń qazaq tilin jappaı meńgerýine basymdyq beredi. Qazaq tilin meńgerýdiń basymdyǵy bolǵan jáne bola beredi», - dep toqtaldy mınıstr.

Sondyqtan E. Saǵadıev barsha mektepterde qazaq tili men ádebıetinen bólek, joǵary synyptarda mindetti túrde Qazaqstan tarıhy memlekettik tilde júrgiziletinin atap ótti.

Sonymen qatar mınıstr qazaq tilin oqytý ádistemesinde kemshilik bar ekenin aıta kele, bul baǵytta jumystar júzege asyrylatynyn jetkizdi.

Munymen qosa vedomstvo basshysy bıylǵy 1 qyrkúıekten bastap eshkim de pándik úsh tildilikti engizbeıtinin atap ótti. Tilderdi balalar oqıdy, alaıda pánder óz tilderinde júrgiziledi. Baǵdarlamaǵa sáıkes, tek 10 men 11-synyptarda jáne 2019 jyldan bastap, ıaǵnı tek úsh jyldan keıin tek tórt pán aǵylshyn tilinde júrgiziledi. Atap aıtqanda, hımııa, fızıka, bıologııa, ınformatıka aǵylshyn tilinde oqytylady, bul turǵyda aptasyna 8 saǵat qamtylady.