Qazaqstanda ýrbanızatsııa deńgeıi 60 paıyzdy quraıdy
Bul týraly búgin QR Aqparat jáne kommýnıkatsııalar mınıstri Dáýren Abaev málim etti, dep habarlaıdy QazAqparat.
«Búkil álem boıynsha, ýrbanızatsııa beleń alyp jatyr. BUU bergen baǵa boıynsha, 2050 jylǵa qaraı, halyqtyń 70 paıyzy qalalarda shoǵyrlanatyn bolady. Bul óz kezeginde kólik júıesine salmaq túsirip, turǵyn úımen qamtý máselesin ýshyqtyrady. Sonymen qatar energııany únemdeý jáne qorshaǵan ortany saqtaý mańyzdylyǵy artady», - dedi Abaev ASTEX Astana Smart City 2016 forýmynda.
Mınıstrdiń sózinshe, osy máselelerdi sheshý barysynda sapaly damýdy qamtamasyz etetin zııatker sheshimderdi qoldaný qajet. Mundaıda aqparattyq-kommýnıkatsııalyq tehnologııalarynsyz jol tabý óte qıyn.
«Álemdegi kóptegen memleketter qalalardyń postındýstrıaldyq damýyna úlken jáne ashyq málimetterdi, bultty tehnologııalardy, blokcheın men basqalaryn qala ómiriniń túrli salalaryna engizýde. «Sýdy aqyldy tutyný», «aqyldy energetıka», tipti «qoqystardy aqyldy basqarý» degen sóz tirkesteri eshkimdi tańǵaldyrmaıdy. Elektrobaılanystyń halyqaralyq keńesi bergen málimetter boıynsha, 2018 jyly aqyldy qalalarda ınternetke qosylǵan qurylǵylardyń sany 2015 jylǵy 1 mıllıonnan 3 mıllıardqa jetpek. 2022 jylǵa qaraı, blokcheın negizindegi bıznestiń jalpy quny 10 mıllıard dollar bolmaq», - dedi Abaev. - Jahandyq ekonomıkadan jáne tehnologııalyq naryqtan qalys qalmaý úshin osy baǵyttardy qarqyndy ıgerýge tıispiz. Qazaqstanda ýrbanızatsııa deńgeıi 60 paıyzdy quraıdy. Osy kórsetkish boıynsha, biz Ortalyq Azııada kósh bastaýdamyz. Osy protsestiń negizgi flagmany - Astana bolyp tabylady».
Aıta ketý kerek, forým barysynda aqyldy qalalarda qoldanylatyn aqparattyq jáne kommýnıkatsııalyq tehnologııalardyń damýy máseleleri talqylanady. Astanadaǵy atalmysh forýmǵa qatysyp otyrǵan halyqaralyq sarapshylardyń qatarynda - City SmartUp negizin qalaýshy Renato de Kastro, IDC aqyldy qalalardyń jahandyq baǵdarlamasynyń jetekshisi Rýgbı Klark bar. Jalpy atalmysh sharaǵa AQSh, Eýropa, TMD elderinen 300-den astam meıman kelgen.