Qazaqstanda Ýral mototsıkli shyǵarylady

NUR-SULTAN. QazAqparat – Qazaqstanda Ýral mototsklin qurastyrý qolǵa alynady. Bul týraly QR Indýstrııa jáne ınfraqurylymdyq damý mınıstrligi Indýstrıaldyq damý komıteti tóraǵasynyń orynbasary Oljas Saparbekov málim etti, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda ol reseılik óndirýshiniń Qazaqstanda óndiris oshaǵyn ashýǵa sheshim qabyldaǵanyn jarııa etti.

Biraq, reseılik ınvestor Reseı Federatsııasyndaǵy jumysyn da jalǵastyra beredi. Qazaqstanda shyǵarylǵan mototsıklder eksportqa da shyǵady.

Buǵan deıin áleýmettik jelide Ural mototsıklderi óndirisiniń Petropavlǵa kóshiriletini týraly aqparat tarap, keıinnen Soltústik Qazaqstan oblysynyń ákimdigi atalǵan kompanııa ókilderiniń Petropavl qalasyna kelip, memlekettik organdarǵa júginbegenin jarııa etken bolatyn.

«Memlekettik organdarmen kezdesýler ótkizilgen joq. Memlekettik qoldaý sharalary áli qoldanylǵan joq. Aqparat jaqynda jańartylady. Jalpy, Soltústik Qazaqstan oblysy jańa óndirister ashýǵa ınvestorlardyń usynystaryn qaraýǵa árqashan daıyn. Sonyń ishinde «Qyzyljar» arnaıy ekonomıkalyq aımaǵynyń aýmaǵynda», - dep túsindirgen edi oblys ákiminiń baspasóz qyzmeti.