Qazaqstanda ulttyq tólem júıesi pılottyq rejımde iske qosylady

NUR-SULTAN. QazAqparat – QR Ulttyq bankiniń tóraǵasy Erbolat Dosaev ulttyq tólem júıesiniń tehnıkalyq daıyndyǵy týraly aıtyp berdi, dep habarlaıdy QazAqparat.

«Bıylǵy qazanda Memleket basshysynyń tapsyrmasyn oryndaý úshin Ulttyq bank Ulttyq tólem júıesiniń tehnıkalyq daıyndyǵyn qamtamasyz etti. Bankaralyq tólem kartochkalary júıesi (BTKJ) sheńberinde kartochkalyq tranzaktsııalardy óńdeý boıynsha ınfraqurylym quryldy. Qazirgi ýaqytta bul júıeni Visa, Mastercard, Union Pay halyqaralyq tólem júıelerimen ıntegratsııalaý jumysy júrip jatyr», - dedi E. Dosaev Úkimet otyrysynda.

Spıkerdiń aıtýynsha, qazir naqty ýaqyt rejıminde jeke tólemder men aqsha aýdarymdaryn júrgizýge arnalǵan Mezettik tólemder júıesiniń platformasy jańartyldy.

«Ulttyq tólem júıesiniń komponentteri 2021 jylǵy qarasha-jeltoqsanda pılottyq rejımde iske qosylady», - dedi E. Dosaev.