Qazaqstanda ulttyq kıno komıssııasy qurylady

ASTANA. QazAqparat – Elimizde ulttyq kıno komıssııasy qurylmaq. Bul týraly QR Mádenıet jáne sport mınıstrligi mádenıet komıteti tóraǵasynyń orynbasary Kúmis Seıitova málim etti, dep habarlaıdy QazAqparat tilshisi.

«Kúni keshe Memleket basshysy «Qazaqstan Respýblıkasynyń keıbir zańnamalyq aktilerine kınematografııa, mádenıet jáne merekeler máseleleri boıynsha ózgerister men tolyqtyrýlar engizý týraly» zańǵa qol qoıdy. «Kınematografııa týraly» zań 2019 jyly qabyldandy. Nebári 3 jyl ótse de, álemdegi kınematografııa salasynyń qarqyndy damýyn nazarǵa alsaq, kınematografııa jáne mádenıet týraly zańdy jetildirýdiń qajettiligi týyndady», - dedi Kúmis Seıitova Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq mınıstrlik ókili otandyq kınematografııaǵa qatysty sońǵy jańalyqpen bólisti.

«Zańǵa engizilgen ózgerister men tolyqtyrýdyń taǵy biri – elimizde ulttyq kıno komıssııasyn qurý. Maqsat – halyqaralyq kıno óndirisi úshin fılmder túsirý alańy retinde Qazaqstannyń múmkindigin arttyrý. Osy oraıda halyqaralyq kınematografııa uıymdaryna qoıylatyn talaptar jeńildetildi. ıAǵnı elimizdiń aýmaǵyn fılm túsirý lokatsııasy retinde qoldaný qoljetimdi bola tústi», - deıdi ol.

Buǵan deıin elimizde sahna ádebin saqtamaǵan ártisterge 477 myń teńgeden bastap, 6,3 mln teńgege deıin aıyppul salý máselesi qaralyp jatqanyn habarlaǵan edik.