Qazaqstanda Ulttyq gıdrogeologııa qyzmeti qaıta qurylady

<p>Qazaqstan Respýblıkasy Prezıdentiniń tapsyrmasy boıynsha QR Sý resýrstary jáne ırrıgatsııa mınıstrligi janynan Ulttyq gıdrogeologııa qyzmeti qaıta qurylady, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Qazirgi ýaqytta osy qyzmetti qaıta qurý máselesimen aınalysyp jatqan eki basqarmasy bar departament ashyldy. Sondaı-aq Ulttyq gıdrogeologııa qyzmetiniń qurylymy men jarǵylyq qujattary ázirlendi. Olar jaqyn arada Úkimettiń qaraýyna usynylady. 

Mınıstrliktiń usynysyna sáıkes, Ulttyq gıdrogeologııa qyzmeti jerasty sýlaryn basqarý, izdestirý-barlaý jumystaryn jáne memlekettik monıtorıng salasynda memlekettik saıasatty júzege asyrý úshin uıymdastyrýshylyq jáne basqa da qajetti quzyretterge ıe bolady. Jerasty sýlaryn tıimdi paıdalaný máselesi erekshe baqylaýda bolady. 

«Boljam boıynsha, Qazaqstanda jerasty sýlarynyń kólemi shamamen 40 tekshe kılometrdi quraıdy, onyń ishinde 15 tekshe kılometr – paıdalanýǵa daıyn qorlar. Qazirgi ýaqytta el ekonomıkasynda jerasty sýlaryn paıdalaný úlesi nebári 7-10%-dy quraıdy. Biz aýyz sýmen jabdyqtaý, sýarý jáne jaıylymdyq mal sharýashylyǵy úshin jerasty sý resýrstaryn belsendi paıdalanýǵa nıettimiz. Bul rette elimizdiń jerasty sý qorlarynyń sarqylýyna jáne lastanýyna jol berilmeıdi», - dedi QR Sý resýrstary jáne ırrıgatsııa mınıstri Nurjan Nurjigitov.