Qazaqstanda Úkimet qabyldaıtyn sheshimderdi ǵylymı turǵydan zertteý usynyldy
«Qańtar oqıǵasy memlekettik basqarý júıesin qaıta qarap, jetildirý kerektigin kórsetti. Bul rette memlekettik basqarý salasy boıynsha áleýmettik jáne ǵylymı zertteýlerge súıený mańyzdy. Damyǵan elderde Úkimet qabyldaıtyn sheshimderdi ǵylymı turǵyda zertteý týraly zańdar bar. Sol zań bizdiń memlekettik basqarý júıesine de qajet. Biz jumys nátıjesin kóbine tek jıyn, bas qosýlarda ǵana baıandaımyz. Sondyqtan aldymen ǵylymı zertteýlerge nazar aýdaryp, ǵalymdar qaqqan dabylǵa qulaq asýymyz kerek. Qazaqstan memlekettik qyzmet salasyn jetildirý men elektrondy qyzmet boıynsha halyqaralyq sarapshylardyń eń joǵary baǵasyn aldy. Olaı bolsa sonyń jemisin halyq nege tolyqqandy kórmeı jatyr? Oǵan tusaý saıası júıe», - dedi Álıhan Báımenov QR memlekettik qyzmet isteri agenttiginiń keńeıtilgen alqa otyrysynda.
Onyń aıtýynsha, memlekettik basqarý salasyndaǵy saıası júıeni ózgertý qajet.
«Memleket basshysynyń halyqqa joldaýynda adam quqyǵymen qosa, memlekettik basqarý men qyzmettiń tıimdiligin arttyrý máselesi turaqty qozǵalyp keledi. Memleketti quratyn adamdar, sondyqtan adamı resýrs - mańyzdy faktor. Osyǵan baılanysty personaldy basqarý qyzmetin tolyqqandy HR (eıchar) bólimshelerge reformalaý jáne zamanaýı tehnologııalardy paıdalanatyn mamandardy tartý, qoldanystaǵy personaldy basqarý qyzmetinde jumys isteıtin qyzmetshilerdi oqytýdy júrgizý qajet», - deıdi ol.
Búgin elordada onlaın formatta QR memlekettik qyzmet isteri agenttiginiń keńeıtilgen alqa otyrysy ótti.
Atalǵan jıyndy ashqan QR Prezıdenti ákimshiligi basshysynyń birinshi orynbasary Tımýr Súleımenov jaılylyq pen jyldamdyq memlekettik qyzmettiń basty prıntsıpine aınalýy kerektigin aıtty.
Sondaı-aq, qazaqstandyqtardyń memlekettik qyzmet sapasyna qanshalyqty kóńili tolatyny belgili boldy.
Odan bólek, Qazaqstanda memlekettik qyzmetten shyǵý tártibi jeńildeıdi.