Qazaqstanda ÚIID MB mamandaryn 10 JOO daıyndaıtyn bolady
14:21, 15 Qyrkúıek 2014
ASTANA. QazAqparat - Qazaqstanda Údemeli ındýstrııalyq-ınnovatsııalyq damý memlekettik baǵdarlamasy mamandaryn 10 joǵary oqý orny daıyndaıtyn bolady. Bul týraly búgin Ortalyq kommýnıkatsııalar qyzmetinde ótken brıfıngte QR Bilim jáne ǵylym vıtse-mınıstri Tahır Balyqbaev habarlady.
«Aldaǵy 5 jyl kóleminde elimizdegi joǵary oqý oryndary Údemeli ındýstrııalyq-ınnovatsııalyq damý baǵdarlamasyna ózindik úlesin qospaqshy. ıAǵnı 10 JOO atalǵan baǵdarlama boıynsha mamandar daıyndaýǵa kirisedi», - dep atap ótti ol.
T. Balyqbaevtyń aıtýynsha, osy maqsatta qajetti qarjy bólinip, jańa bilim berý baǵdarlamalary jasalyp, sondaı-aq materıaldyq baza kúsheıtilip, professorlyq-oqytýshylyq quram keńeıtiletin bolady.
«Ýnıversıtetter Úkimettiń sheshimi boıynsha tańdalyp alynady. Qazir birqatar ýnıversıtter alǵashqy irikteý kezeńinen ótý úshin daıyndyq jumystaryn júrgizip jatyr. Osydan keıin joǵary oqý oryndarynyń naqty tizimi bekitiledi», - dedi vıtse-mınıstr.