Qazaqstanda ÚIID MB aıasynda mamandar daıarlaýda JOO-nyń oqytýshylyq quramy kúsheıtiledi

ASTANA. QazAqparat - Indýstrııalyq-ınnovatsııalyq damý baǵytynda kadrlar máselesin sheshýge ekpin qoıylýda. Sebebi baǵdarlama aıasynda jyl saıyn kóptegen jańa óndirister iske qosylyp jatyr. Bul turǵyda maman daıarlaý máselesinde QR Bilim jáne ǵylym mınıstrliginiń málimetinshe, aldaǵy 5 jyl kóleminde elimizdegi joǵary oqý oryndary Údemeli ındýstrııalyq-ınnovatsııalyq damý baǵdarlamasyna ózindik úlesin qospaq.

ıAǵnı 10 JOO atalǵan baǵdarlama boıynsha mamandar daıyndaýǵa kirisedi. Osy maqsatta qajetti qarjy bólinip, jańa bilim berý baǵdarlamalary jasalyp, sondaı-aq materıaldyq baza men oqytýshylyq-professorlyq quram kúsheıtiletin bolady.

Belgili bolǵandaı, ýnıversıtetter Úkimettiń sheshimi boıynsha tańdalyp alynady. Qazir birqatar ýnıversıtetter alǵashqy irikteý kezeńinen ótý úshin daıyndyq jumystaryn júrgizip jatyr. Bul turǵyda joǵary oqý oryndarynyń naqty tizimi bekitiledi.

Budan bólek, qyrkúıek aıynda ótken brıfıngte Bilim jáne ǵylym vıtse-mınıstri Tahır Balyqbaev joǵary oqý oryndarynyń stýdentteri 2-shi kýrstan bastap mindetti túrde óndiristik tájirıbeden ótetinin aıtty.

Joǵary oqý oryndaryndaǵy stýdentterdiń praktıkalyq daıyndyǵy úlken máselelerdiń biri bolyp otyrǵanyn basa aıtqan ol: «Sol sebepti ekinshi kýrstan bastap mindetti túrde óndiristik tájirıbeden ótýdi bekitý usynylyp otyr. Bul tájirıbeni tek qana óndiristik eńbekpen ǵana bekitý emes. Sonymen birge bizdiń óndiristerde sony ótýdiń jáne arnaıy kelisimshart jasaýdyń erejeleri keńinen bekitiletin bolady», - dedi.