Qazaqstanda ÚEU-lar men qoǵamdyq birlestikterdiń «Asyl bala» qaýymdastyǵy quryldy

ASTANA. QazAqparat - Balalar quqyǵy men múddesi salasynda jumys isteıtin Qazaqstannyń qoǵamdyq birlestikteri men úkimettik emes uıymdary jańadan qurylǵan «Asyl bala» qaýymdastyǵynyń aıasynda birikti. Bul týraly búgin «QR Konstıtýtsııasy 20 jyl balalardyń quqyǵy men densaýlyǵyn qorǵaýda» atty respýblıkalyq konferentsııa barysynda QazAqparatqa bergen suhbatynda «Asyl bala» respýblıkalyq qaýymdastyǵynyń tóraıymy Anar Rahymbaeva málim etti.

«Búgin biz «Asyl bala» respýblıkalyq qaýymdastyǵynyń quryltaıshylyq jıynyn ótkizýdemiz. Bul balalardyń múddelerin qorǵaý máselelerimen aınalysatan qoǵamdyq birlestikter men úkimettik emes uıymdarynyń qaýymdastyǵy bolyp tabylady. Táýelsizdik jyldarynda elimizde balalar quqyǵyn qorǵaý baǵytynda óte kóp jumystar atqaryldy, alaıda álem men qoǵam ózgerýde. Sondyqtan da jetkinshekterdiń múddesin qorǵaý árdaıym ózekti bolyp qala beredi. Biz balalar múddesin qorǵaý salasynda tıimdirek jumys isteý úshin, sondaı-aq memlekettik baǵdarlamalarǵa óz úlesimizdi tıisti deńgeıde qosý baǵytynda biriktik. Barlyq balalar týǵan bette teń quqyqqa ıe jáne buǵan bizdiń Ata Zańymyz kepil berip otyr»,-dep toqtaldy A. Rahymbekova.

Qaýymdastyq tóraıymy búginde keıbir balalar qosymsha kómekke, memleket jáne qoǵam tarapynan jekeleı qoldaýǵa muqtaj ekenin atap ótti. Bul turǵyda ata-anasynyń qamqorlyǵynsyz qalǵandar, múgedek jáne basqa da sanattaǵy balalar bar.

«Biz osy oraıda bul balalar barshasymen teń dárejede qajetti jaǵdaıda ómirde laıyqty oryndaryn alýyna járdemdesý úshin kúsh-jigerimizdi biriktirgimiz keledi»,-dedi ol.

Aıta keteıik, búgingi konferentsııaǵa Qazaqstannyń barlyq óńirinen ÚEU jáne qoǵamdyq birlestikterdiń ókilderi, Úkimet músheleri jáne Parlament depýtattary qatysýda.