Qazaqstanda ýaqytsha tirkeýsiz júrý merzimi qysqartyldy

ASTANA. QazAqparat - Qazaqstan Úkimetiniń qaýlysyna sáıkes ýaqytsha tirkeýsiz júrý merzimi qysqartyldy, dep habarlaıdy «QazAqparat» QR ІІM Kóshi-qon qyzmeti komıtetine silteme jasap.

Qazaqstan Respýblıkasy Úkimetiniń 2011 jylǵy 1 jeltoqsandaǵy qaýlysymen bekitilgen Іshki kóship-qonýshylardy tirkeý qaǵıdalaryna ózgerister engizildi.

Engizilgen ózgeristerge sáıkes bir aıdan astam merzimge ýaqytsha bolý (turý) úshin kelgen ishki  kóship-qonýshylardy ishki ister organdary turǵylyqty jeri boıynsha  tirkeýden shyǵarmaı kelgen kúnnen bastap kúntizbelik 10 kún ishinde ýaqytsha bolatyn (turatyn) jeri boıynsha esepke alady. Ýaqytsha bolatyn (turatyn) jeri boıynsha esepke alý (tirkeý) ýaqytsha    tirkeý bolyp tabylady. Ýaqytsha tirkeý bir aıdan bastap bir jylǵa deıingi merzimge júzege asyrylady.

Qyzmettik mindetterin oryndaý, oqýda bolýy turǵylyqty jerinen tys  jerde uzaq turýymen (bir jyldan astam) baılanysty adamdar (rastaıtyn  qujat bolǵan kezde) turǵylyqty jeri boıynsha tirkeýden shyǵarmaı  mindetterin oryndaý úshin qajetti búkil merzimge esepke alynatyndyǵy aıtylǵan».

Sondaı-aq qaýlyda 16 jasqa tolmaǵan balalar, adamdardyń tynys-tirshiligin shekteıtin  organızm fýnktsııalarynyń turaqty buzylýynan densaýlyǵynda kinárat bar  emdeý mekemelerindegi azamattar, vahtalyq ádispen jumys isteıtin adamdar, ýaqytsha bolatyn (turatyn) jeri boıynsha esepke alynýǵa (tirkelýge)                  jatpaıdyǵy aıtylady.