Qazaqstanda tutynýshylardyń shaǵymyn qabyldaıtyn aqparattyq júıe qurylýy múmkin

NUR-SULTAN. QazAqparat – Elimizde «bir tereze» qaǵıdaty boıynsha tutynýshylardyń quqyǵyn qorǵaý salasynda shaǵymdardy qabyldaýdyń biryńǵaı aqparattyq júıesi (BAJ) qurylýy múmkin, dep habarlaıdy QazAqparat tilshisi.

Saýda jáne ıntegratsııa mınıstrligi jańa zań jobasynda qarastyrylǵan tyń tetikter arqyly tutynýshylardyń quqyǵyn qorǵamaq.

«Mundaı júıeni qurý tutynýshylardyń quqyqtaryn qorǵaý boıynsha barlyq sharalardy bir ortalyqqa shoǵyrlandyrýǵa, shaǵymdy daıyndaý jáne ony quzyrly organdarǵa joldaý rásimderin jeńildetýge jáne arzandatýǵa, sondaı-aq, barlyq ótinishter men olardy qaraý nátıjelerin tsıfrlandyrýǵa múmkindik beredi», - dedi zań jobasyn Májiliste qorǵaǵan Saýda jáne ıntegratsııa vıtse-mınıstri Qaırat Tórebaev.

Vıtse-mınıstrdiń aıtýynsha, tutynýshylardyń yńǵaılylyǵy úshin BAJ-da daýdyń mánine jáne qyzmet kórsetý salasyna baılanysty shaǵymdardyń birqatar úlgilik nysandary, sondaı-aq «qorǵaýshylardyń» tizbesi men baılanystary ornalastyrylady.

«Jańa tsıfrlyq jaǵdaıda zań jobasynda usynylǵan shaǵymdardy berý jáne qaraý protsesin avtomattandyrý «osy jerde jáne dál qazir» qaǵıdaty boıynsha daýdy tez sheshýdiń aýqymdy onlaın platformasyna kezeń-kezeńimen ózgertiledi. Al kelip túsken aqparatty jınaý men óńdeý tutynýshylardyń quqyǵyn qorǵaý salasyndaǵy tıimdi memlekettik saıasatty qalyptastyrý úshin sarqylmaıtyn derekkóz bolady», - dedi ol.