Qazaqstanda Tutynýshylar quqyǵyn qorǵaý ombýdsmeni ınstıtýty engiziledi

ASTANA. QazAqparat – Úkimet otyrysynda tutynýshylardyń quqyǵyn qorǵaý zańnamasyna engiziletin ózgerister jobasy maquldandy, dep habarlaıdy QazAqparat tilshisi.

«2020 jyly «Tutynýshylardyń quqyqtaryn qorǵaý týraly» Zańǵa engizilgen túzetýler úkimettik emes uıymdar men bıznesti tarta otyryp, osy salada birtutas júıe qurýǵa yqpal etti.

Alaıda, naqty nátıjege qol jetkizý úshin zańnamalyq bazany odan ári jetildirý qajet.

Osyǵan baılanysty, tutynýshylardyń quqyqtaryn qorǵaý sapasyn arttyrý maqsatynda qoldanystaǵy zańdarǵa jańa túzetýler ázirlendi.

Tutynýshylardyń quqyqtaryn qorǵaý jónindegi Ombýdsmen ınstıtýtyn engizý usynylady.

Ol problemalar men shaǵymdardy retteýdiń negizgi úılestirýshisi bolýy tıis. Zań qabyldanǵan soń bul jumysty jedel júrgizý kerek», - deid Úkimet basshysy Álıhan Smaıylov..

Onyń paıymynsha, tutynýshylardan túsetin shaǵymdardy qaraý algorıtmin barynsha jeńildetý qajet.

«Tutynýshy – qoǵamdyq birlestik – memleket arasyndaǵy ózara is-qımyldyń tıimdi shemasyn qurý mańyzdy.

Sapasyna kepildik berilgen ónimderdi óndirý men satýǵa, adal jarnama men marketıngke negizdelgen saıasat júrgizý qajet. Saýda mınıstrligi zań jobalaryn belgilengen merzimde Parlament Májilisine engizip, olardyń sapaly ótýin qamtamasyz etýi qajet», - dedi Premer-mınıstr.