Qazaqstanda tutqynǵa alý sany 25 paıyzǵa azaıdy - Bas prokýratýra
Bul týraly búgin eldiń joǵarǵy qadaǵalaý organy alqasynyń keńeıtilgen otyrysynda sóılegen sózinde bas prokýror Ashat Daýylbaev habarlady.
«Qadaǵalaý qyzmetiniń basty basymdyqtarynyń biri qylmystyq óndiriske tartylǵan azamattardyń konstıtýtsııalyq quqyqtaryn qorǵaý bolyp qala beredi. Qabyldanǵan sharalar arqyly biz qylmystyq jaýapkershilikke negizsiz tartylǵan tulǵalardyń sanyn 21 paıyzǵa qysqarttyq. Tutqyndaý jıyrma bes paıyzǵa azaıdy. Kepil qoldaný tájirıbesi artty. Birinshi jartyjyldyqta bul kórsetkish 4 esege ósti. Tutqyndaý sharasy basqa bultartpaý sharasy múmkin emes bolǵan jaǵdaılarda ǵana qoldanylady», - dedi bas proýror. Onyń derekterine súıensek, prokýrorlar 989 azamattyń konstıtýtsııalyq quqyǵyn qorǵaǵan, olarǵa qatysty zańsyz jedel izdestirý sharalary, jarııa etilmeıtin tergeý áreketteri tyıyldy nemese olardy júrgizýge sanktsııadan bas tartyldy.