Qazaqstanda turmystyq tehnıka, jıhaz, qaǵaz óndirisi artqan

<p>ASTANA. KAZINFORM &ndash; Bıylǵy 11 aıda óńdeý ónerkásibiniń negizgi sektorlarynda 5,3 paıyz ósim baıqaldy. Bul kórsetkish metallýrgııa ónerkásibi, mashına jasaý, hımııa, daıyn metall buıymdary jáne jıhaz óndisi esebinen qamtamasyz etildi.</p>

Ónerkásip jáne qurylys vıtse-mınıstri Oljas Saparbekovtyń aıtýynsha, metallýrgııa ónerkásibi 2016 jyldan beri alǵash ret 7,2% ósti. Oǵan Qarmet-tiń tolyqqandy jumysyn qalpyna keltirý jumystary, sondaı-aq «Qazhrom», «Qazaqmys», «EvrazKaspıanStal», «Aqtóbe rels-aralyq zaýyty» sııaqty birqatar iri kásiporyndardyń óndiris kólemin ulǵaıtýy yqpal etken. 

«Tústi metallýrgııa salasy mys óndirý kóleminiń 13,3%, myryshtyń 0,8% jáne alıýmınıı óndirisiniń 1,5% ulǵaıýy esebinen 4,8%-ǵa ósti. Mashına jasaý salasynda aýyl sharýashylyǵy tehnıkasy 15,4%, temir jol kóligi 1,6 ese, elektr jabdyqtary 8,1%, elektrondy-optıkalyq jabdyqtar jáne kompıýterler kólemi 1,7 ese artty. Jańa óndiristerdi iske qosý esebinen turmystyq tehnıka óndirisi 4,4 ese ósti», - dedi Oljas Saparbekov. 

Hımııa ónerkásibinde kúkirt qyshqyly 20%, sary fosfor 13,2%, sondaı-aq polıpropılen óndirisiniń josparly jobalyq qýatynyń 49% ulǵaıýy esebinen óndiris kólemi 8,4 paıyzǵa ósti. 

Sondaı-aq, daıyn metall buıymdaryn óndirý 29,5% , jıhaz – 12,8%, qaǵaz óndrisi 10,2% ósip, oń dınamıka kórsetken. Bul salalardyń jalpy jıyntyq ósimi jeńil ónerkásip, qurylys materıaldary óndirisi sııaqty úlesi tómen salalardaǵy tómendeý statıstıkasyn jaýyp otyr.