Qazaqstanda turmystyq qaldyqtyń 1 mln tonnasy ǵana qaıta óńdeledi

<p>ASTANA. KAZINFORM &ndash; Elimizde shyny, plastık jáne makýlatýra sııaqty qoqys túrlerin qaıta óńdeý kórsetkishi tómen. Bul týraly QR Ekologııa jáne tabıǵı resýrstar mınıstri Erlan Nysanbaev aıtyp berdi.</p>

«Ákimdikterdiń málimetinshe, byltyr 2023 jyly elimizde 4,1 mln tonnaǵa jýyq kommýnaldyq qaldyq jınalǵan, onyń 1 mln tonnasy (24%) suryptalyp, qaıta óńdelip, qalǵany polıgondarda kómilgen. Al 2022 jyly 4,3 mln tonnaǵa jýyq qatty turmystyq qaldyqtyń 25% qaıta óńdelgen», - dedi mınıstr Úkimettiń búgingi otyrysynda. 

E. Nysanbaev elimizdiń 80% jýyq halqy turatyn qalalar men iri eldi mekender qoqys shyǵarý qyzmetimen qamtamasyz etilgenin aıtty.

«39 iri eldi meken boıynsha ǵana ǵaryshtyq monıtorıng byltyr 5 533 ruqsatsyz qoqys úıindisin anyqtady, bul qaldyqtardyń naqty kólemi esepke alynatyn kólemnen áldeqaıda joǵary ekenin kórsetedi», - dedi Ekologııa mınıstri. 

Kommýnaldyq qaldyqtardyń shamamen 70% paıdaly fraktsııalardan turady, atap aıtqanda 16% plastık (656 myń tonna), 11% makýlatýra (451 myń tonna), 9% shyny (369 myń tonna), 37% organıkalyq qaldyqtar jáne 27% basqa qoqystar. 

«Bul kórsetkishtiń óńirlerge baılanysty aıyrmashylyǵy bolýy múmkin. Qaldyqtardyń shyny, plastık jáne makýlatýra sııaqty negizgi túrleri boıynsha qazirgi qaıta óńdeý qýaty tómen», - dedi mınıstr.