Qazaqstanda túrmedegi tutqyndar sany 7 myńǵa artty

<p>ASTANA. KAZINFORM &ndash; Qazaqstanda 78 qylmystyq-atqarý júıesi mekemesi jumys istep tur. Bul týraly QR ІІM Qylmystyq-atqarý júıesi komıtetiniń tóraǵasy Teńizjan Jánibekov aıtyp berdi.</p>

«Sońǵy 4 jylda túrmedegi adamdardyń sany 7 myńǵa jýyq ósti. Bul bótenniń múlkin urlaý, otbasylyq-turmystyq zorlyq-zombylyq, mal urlyǵy jáne jol-kólik oqıǵalary salasyndaǵy zańnamanyń qatańdatylýyna baılanysty», - dedi komıtet tóraǵasy Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, elimizde 78 qylmystyq-atqarý júıesi mekemesinde 37 myńnan astam sottalǵan jazasyn ótep jatyr. Onyń ishinde 3 myńǵa jýyǵy áıelder jáne 50-den astam kámeletke tolmaǵandar bar. Atap óterligi, 37 myń tutqynnyń 93%-y aýyr jáne asa aýyr qylmystar úshin sottalǵan adamdar. Bul rette sottalǵandardyń 45%-y buryn qasaqana qylmys jasaǵany úshin sottalǵan adamdar.

«QAJK qoǵamnyń eń kúrdeli sanatymen jumys istep jatyr. Osyǵan qaramastan, jalpy mekemelerde jedel jaǵdaı turaqty jáne baqylaýda. Qamaýdaǵy ár adammen psıhologtar men mekemedegi ártúrli qyzmetter keshendi jumys júrgizedi», - dedi T.Jánibekov.