Qazaqstanda týrızmniń damýyna zańnyń turaqsyzdyǵy kedergi keltirýde - Qanatbek Safınov

ASTANA. QazAqparat - Parlamentarızm ınstıtýty uıymdastyrǵan dóńgelek ústel otyrysyna qatysýshylar Qazaqstandaǵy týrızmdi damytý perspektıvalaryn talqylady, dep habarlaıdy QazAqparat.

Іs-sharaǵa Parlament Senatynyń depýtattary, Ekologııa jáne tabıǵı resýrstar, Mádenıet jáne sport mınıstrlikteriniń, sarapshylar qaýymdastyǵynyń, sondaı-aq beıindi uıymdar men kásiporyndardyń ókilderi qatysty.

Parlamentarızm ınstıtýtynyń dırektory Qanatbek Safınov Qazaqstanda týrızm salasynyń damýyna zańnyń turaqsyzdyǵy kedergi keltirip otyrǵanyn, oǵan búgingi kúnge deıin 47 ret ózgeris engizilgenin atap ótti. Osyǵan baılanysty ol týrızm salasyn, onyń ishinde trofeılik ań aýlaýdy júrgizý múmkindigi arqyly retteýdiń balama tásilderin paıdalanýdy usyndy.

«Memleket basshysy etnotýrızmdi, ekologııalyq jáne krýızdik týrızmdi damytý qajettigin jáne osyǵan baılanysty kásibı kadrlardy daıarlaý jáne qajetti kóliktik-logıstıkalyq ınfraqurylymdy qurý mańyzdy dep ataǵan», - dedi Q. Safınov.

«Dóńgelek ústel» barysynda mazmundy jáne syndarly dıalog ótti. Barlyq múddeli taraptardyń pikirleri tyńdaldy. Bul Parlamentarızm ınstıtýtynyń sarapshylaryna depýtattar úshin zańnamalyq sıpattaǵy obektıvti jáne sapaly usynymdar ázirleýge múmkindik beredi.