Qazaqstanda týrıstik baǵdarlar men mýzeılerdiń atlasy ázirlenedi
«ІT- tehnologııalardy paıdalaný arqyly týrıstik baǵdarlar men mýzeılerdiń atlasyn ázirleý EKSPO-2017 kórmesin ótkizý kezinde keletin týrıster úshin qolaıly jaǵdaı jasaýǵa yqpal etedi. Atlas mýzeı eksponattary men mýzeıler týraly aqparat izdeýdi jeńildetip, mádenı oryndarǵa kelýshilerdiń sanyn arttyrady», - dedi mınıstrdiń orynbasary.
Onyń sózine qaraǵanda, búginde Qazaqstanda mýzeı isiniń negizgi maqsaty mýzeı qorlarynyń esepke alý júıesin qurý bolyp tabylady. Bul turǵyda mýzeı qyzmeti salasynda zańnamany jetildirý, onyń ishinde Qazaqstandaǵy mýzeı qorynyń esepke alý, saqtaý jáne paıdalanýdyń biryńǵaı nusqaýyn daıarlaý sharalary bar.
«Sonymen birge, mýzeı qorlary Málimetterdiń biryńǵaı bazasynda eskerilip, ІT-tehnologııalar men ınnovatsııalardy tartý arqyly budan ary qaraı paıdalanylýy úshin tsıfrlanýy tıis. Jalpy Málimetterdiń biryńǵaı bazasynyń bolýy izdeý múmkindigin keńeıtýge, jeke kollektsııalar men tarıhı eskertkishterdi tartýǵa yqpal etedi»,-dedi ol.