Qazaqstanda turǵyn úıdi satyp alý-satý mámileleri 18 paıyzǵa tómendedi

NUR-SULTAN. QazAqparat - 2020 jylǵy qańtar-sáýirdegi turǵyn úıdi satyp alý-satý mámileleriniń sany 71 436 boldy. Bul jaıynda QR Ulttyq ekonomıka mınıstrliginiń Statıstıka komıtetinen málim etti, dep habarlaıdy QazAqparat tilshisi.

«2020 jylǵy sáýirde turǵyn úıdi satyp alý-satýdyń tirkelgen mámileleriniń sany 5211 boldy jáne ótken aımen salystyrǵanda 75,9 paıyzǵa kemidi. 2020 jylǵy qańtar-sáýirdegi turǵyn úıdi satyp alý-satý mámileleriniń sany ótken jylǵy tıisti kezeńmen salystyrǵanda 18,1 paıyzǵa azaıdy», - delingen komıtet aqparatynda.

Vedomstvo málimetinshe, turǵyn úıdi satyp alý-satý mámileleriniń eń kóbi Shyǵys Qazaqstan (615), Qaraǵandy (586), Qostanaı oblystarynda (455) jáne Almaty qalasynda (455) jasalǵan. Bul rette ótken jyldyń 1 toqsanymen salystyrǵanda osy jyldyń esepti kezeńinde Nur-Sultan qalasynda turǵyn úıdi satyp alý-satý mámileleri 31,2 paıyzǵa, Jambyl oblysynda 27,2 paıyzǵa, Túrkistan oblysynda 23,5 paıyzǵa quldyraǵany baıqalady.