Qazaqstanda turǵyn úı qurylysy memlekettik baǵdarlamasynyń oryndalýyn qadaǵalaıtyn qoǵamdyq keńes quryldy
«Báıterek» Ulttyq basqarýshy holdıngi bastamasymen qurylǵan qoǵamdyq keńes endi atalǵan baǵdarlamanyń oryndalýy barysyn qadaǵalaıtyn bolady. Naqtyraq aıtqanda keńes músheleri turǵyndarǵa qurylys qarqynyn, baǵdarlamaǵa qatysýǵa tilek bildirýshilerdiń tizimin, páterlerdiń ádil bólinýin qadaǵalap, udaıy habarlap otyratyn bolady.
Qoǵamdyq keńes músheleri mynalar: QR Úkimet basshysynyń birinshi orynbasary Baqytjan Saǵyntaev, QR Parlamenti Májilisi Tóraǵasynyń orynbasary Darıǵa Nazarbaeva, QR Parlamentiniń depýtattary, «Nur Otan» partııasynyń ókilderi, oblys ákimderi men olardyń orynbasarlary, qurylys kompanııalary men jeke ınvestorlar, Kásipkerlerdiń ulttyq palatasynyń ókilderi, «Báıterek» UBH basshylyǵy jáne oǵan tıesili enshiles qurylymdar - «Qazaqstan ıpoetekalyq kompanııasy» AQ, «Báıterek development» AQ, sonymen qatar QR Jýrnalıster odaǵy basqarmasynyń tóraǵasy Seıitqazy Mataev kiredi.
Aıta keterligi, aldaǵy bes jylda elimizde 1,5 mln. sharshy metr turǵyn úı, ıaǵnı 29 myń áleýmettik jalǵa beriletin páter salý josparlanǵan. Aǵymdaǵy jyldyń ózinde ǵana 487 myń sharshy metr jalǵa beriletin turǵyn úı salý kózdelgen.