Qazaqstanda turǵyn úı qurylysy artty – QR UEM

NUR-SULTAN. QazAqparat – QR Ulttyq ekonomıka mınıstri Áset Erǵalıev qurylys salasy qarqyndy damyǵan óńirlerdi atady, dep habarlaıdy QazAqparat tilshisi.

«Qurylys salasy joǵary qarqyndy ósimdi kórsetti. Atqarylǵan qurylys jumystarynyń kólemi 11,3%-ǵa ulǵaıdy. Batys Qazaqstan oblysyn qospaǵanda, barlyq óńirde oń kórsetkish tirkeldi. Qurylys-montajdaý jumystarynyń jaqsy ósimi Túrkistan, Qyzylorda jáne Qostanaı oblystarynda jáne Almaty qalasynda baıqalady», - dedi Ulttyq ekonomıka mınıstri búgingi Úkimet otyrysynda.

Onyń aıtýynsha, turǵyn úı qurylysy belsendi júrgizilýde. Bıylǵy qańtar-sáýir qorytyndysy boıynsha 4,6 mln sharshy metr turǵyn úı paıdalanýǵa berilgen. Bul ótken jyldyń sáıkes kezeńimen salystyrǵanda 12,5%-ǵa joǵary. Osyǵan baılanysty barlyq óńir oń ósim kórsetti. Eń joǵary kórsetkish Shymkent qalasynda, Atyraý jáne Pavlodar oblystarynda baıqalady.