Qazaqstanda turatyn halyqtardyń tilderin damytýǵa barlyq jaǵdaı jasalýda - B.Saparbaev

ASTANA. QazAqparat - Respýblıka aýmaǵynda turatyn túrli halyqtardyń tilderin damytý úshin Qazaqstanda barlyq qajetti sharalar qoldanylyp keledi, dep atap ótti búgin QR Premer-Mınıstriniń orynbasary Berdibek Saparbaev «Til - kelisim negizi» atty respýblıkalyq semınarda.

Bul týraly primeminister.kz jazady.

«Bizdiń memleketimiz júrgizip kele jatqan saıasat elimizdiń aýmaǵynda ómir súretin halyqtardyń tilderin damytý úshin jaǵdaı jasaýǵa baǵyttalǵan», - dedi B.Saparbaev.

Vıtse-premer Qazaqstanda orys tilinde 15 teatr, koreı, nemis, ózbek jáne uıǵyr tilderinde 4 teatr jumys jasaıtynyn atap ótti.

«Qazaqstanda túrli halyqtardyń bes tilinde bes gazet, radıo men televızııada baǵdarlamalar shyǵady. Kóptegen qalalar men aýdan ortalyqtarynda jeksenbilik mektepter bar, olar halyqtardyń óz tilderin, mádenıetin jáne salt-dástúrin umytpaýǵa baǵyttalǵan», - dep tolyqtyrdy Premer-Mınıstrdiń orynbasary.

Resmı málimet boıynsha, Qazaqstanda 7563 jalpy bilim berý mektebiniń 1291-i orys, 20-sy ózbek, 13-i uıǵyr, 4-ýi tájik tilderinde oqytady, 2100 mektep - aralas, 8467 mektepke deıingi mekemeniń 1840-y orys, 3-ýi basqa tilderde oqytady. 1098 balalardy mektepke deıingi oqytý mekemesi oqytýdy eki tilde júrgizedi. Etnomádenı birlestikterdiń 190 jeksenbilik mektebinde 30 etnıkalyq toptyń ana tilderi oqytylady.