Qazaqstanda týragenttikter sany qysqarýy múmkin

ALMATY. QazAqparat – Qazaqstanda týragenttikter sany qysqarýy múmkin. Bul týraly QR Týrıstik qaýymdastyǵynyń dırektory Rashıda Shaıkenova onlaın brıfıng barysynda aıtty, dep habarlaıdy QazAqparat tilshisi.

«Týrızm naryǵy 100 paıyz toqtap tur. Ol qańtar aıynyń ekinshi jartysynan bastap jumys istemeıdi, óıtkeni koronavırýs ınfektsııasy osy kezden bastap taraldy, karantındik sharalar engizildi, reıster jabyldy jáne t.b. Týrızm salasy qarajatty 100% joǵaltty dep aıta alamyz. Sondyqtan týrızm naryǵy qıyn jaǵdaıǵa tap bolyp otyr»,– dedi Rashıda Shaıkenova.

Onyń aıtýynsha, eldegi týragenttikter sany qysqarýy ábden múmkin.

«Týrıstik ındýstrııanyń eń sezimtal bóligi – týragenttikter. Úlken qysymǵa ushyraǵan da osy kompanııalar. Bizdiń oıymyzsha, olar jabylyp, sany qysqarady. Óıtkeni jaǵdaı kúrdeli», - dep qosty ol.

Búǵan deıin, Qazaqstan týrıstik qaýymdastyǵy Alakólmen shıpajaı kýrortty oryndarǵa týrıster aǵyny artatynyn boljady.