Qazaqstanda tuńǵysh ret TV men radıoǵa arnalǵan halyqaralyq is-shara ótedi

ASTANA. QazAqparat - Elordanyń 20 jyldyq mereıtoıyna oraı 2018 jylǵy 10-12 shildede Astana qalasynda «Azııa medıa dıalogy» jalpy lozýngynyń aıasynda birqatar aýqymdy is-sharalar ótedi. Olardyń sheńberinde semınarlar, konferentsııalar, sonymen qatar Azııa radıosynyń án festıvali ótkiziledi, dep habarlaıdy QazAqparat «Qazmedıa ortalyǵynyń» baspasóz qyzmetine silteme jasap. 

Іs-sharalardyń uıymdastyrýshysy - Qazaqstan Respýblıkasy Aqparat jáne kommýnıkatsııalar mınıstrligi, Azııa jáne Tynyq muhıt habar taratý odaǵy (ATMHTO), «Qazmedıa ortalyǵy» basqarýshy kompanııasy. Birigip uıymdastyrýshy - «Astana Konvenshn Bıýro».

«Medıa salasyndaǵy basshylar úshin semınarda radıo formatyn jasaýǵa, aýdıtorııany jáne ony zertteý quraldaryn baǵalaýǵa, Eýropa men Azııanyń medıa naryqtarynyń ınteraktıvti úlgilerin jáne ozyq tájirıbelerin kórsetý arqyly kontentti ártúrli aýdıtorııaǵa taratatyn kópplatformaly jáne birplatformaly baǵdarlamalardy qoldanýǵa qatysty máseleler kóteriledi» delingen habarlamada.

Budan basqa, alǵash ret Qazaqstanda eń iri salalyq konferentsııalar ótkiziledi. Olardyń bireýi Azııa radıosynyń máselelerine arnalǵan. Azııa men Eýropa medıasyna ortaq máselelerdi talqylaý maqsatynda sheshýshi oqıǵa «Media-2020» konferentsııasy bolmaq. Іs-sharada Aýstralııa, Belgııa, Germanııa, Japonııa, Qytaı jáne Eýropa men Azııanyń basqa elderiniń jeke ári ulttyq tele- jáne radıokompanııalarynyń jetekshi ókilderi moderator bolady.

Azııa-Tynyq muhıt óńiri elderiniń jyl saıynǵy án baıqaýy ABU Radio Song Festival án festıvali ATMHTO-nyń elorda turǵyndaryna Astana mereıtoıyn toılaý qurmetine oraı erekshe syılyǵy bolmaq. Bıyl Qazaqstan - osy festıvaldi qabyldaıtyn Ortalyq Azııadaǵy birinshi el. Festıvalǵa Túrkııa, Nepal, Maldıv araldary, Qazaqstan jáne t.b. elderdiń ókilderi qatysady. Іs-shara Qazmedıa ortalyǵynyń kınokontsert zalynda uıymdastyrylady. Festıvalge kirý - tegin.

Aqparat jáne kommýnıkatsııalar mınıstri Dáýren Abaev 2017 jyly qyrkúıekte Qytaıda ótken ATMHTO Bas Assambleıasynyń qatysýshylaryna aıtqandaı, Qazaqstan barlyq álemniń kórnekti medıa ókilderin jınap, ózin Eýropa men Azııa arasyndaǵy mańyzdy kommýnıkatsııalyq torap retinde kórsetedi. Іs-sharanyń asa mańyzdy qonaqtary - bedeldi medıalyq úkimettik emes mekeme basshylary bolmaq.

Olardyń ishinde ATMHTO jáne COPEAM (Jerorta teńizi habar taratýshylarynyń qaýymdastyǵy) bas hatshylary, Arab habar taratýshylary qaýymdastyǵynyń basshylary, álemde tyńdaýshylar aýdıtorııasy eń úlken radıo - Úndistan radıosyn qosa alǵanda, Azııa men Eýropanyń teleradıo habar taratatyn kompanııalary bar. Osylaısha, ATMHTO jelisindegi is-sharalar Qazaqstandaǵy oqıǵa týrızmin damytýǵa baǵyttalǵan asa mańyzdy ımıdjdik joba bolady.

ATMHTO - aýdıtorııasy 3 mıllıard adamdy quraıtyn, álemniń eń iri jáne tyǵyz ornalasqan óńiri - Azııa men Okeanııanyń 69 eliniń 292 habar taratý uıymdaryn biriktiretin kommertsııalyq emes kásibı qaýymdastyq. Habar taratýshylardyń óńirlik jáne halyqaralyq dostastyǵyn nyǵaıtýǵa jáne olardyń qyzyǵýshylyqtaryn ilgeriletýge sebeptesetin mundaı bedeldi uıymmen yntymaqtastyq jasaý Qazaqstannyń otandyq óniminiń sapasyn joǵarylatýǵa jáne baǵdarlama jasaý men jańalyq almasý boıynsha álemdik tájirıbeni úırenýge jol ashady.

Іs-sharany uıymdastyrý seriktesi - Mýltıservıstik ınfokommýnıkatsııa operatory - "Qazaqtelekom" AQ.