Qazaqstanda tuńǵysh ret Eurasian Music Awards eýrazııalyq mýzykalyq syılyǵy taǵaıyndalady
Aqpan aıynda 2012 jyldyń nátıjeleri shyǵarylyp, Qazaqstan estradasynyń úzdik oryndaýshylary marapattalatyn bolady. Al kelesi jyly uıymdastyrýshylar nomınanttardyń tizimine alys jáne jaqyn shet elderdiń ártisteri de enedi dep úmittenýde. Bul týraly «Vremıa» gazetinde Ksenııa Evdokımenko jazdy.
Baıqaý atalymdarynda eń úzdik er jáne áıel oryndaýshy, eń úzdik erler jáne áıelder ujymy, live-ujymy, úzdik debıýt, án, ulttyq folk/etnojoba jáne beıneklıp tańdap alynady. Árbir atalymda - alty úmitker. Jeńimpazdar jasyryn qazylar alqasynyń daýys berýinen keıin jarııalanatyn bolady. Onyń quramy atalmaı otyr. Seriktester men demeýshiler de ózderi unatqan ártisterge syılyqtaryn taǵaıyndaı alady.
Óz kezeginde qazaqstandyqtar da ózderiniń súıikti oryndaýshylaryna áleýmettik jelilerde daýys berý arqyly qoldaý bildire alady. Internet-paıdalanýshylardyń jáne SMS-daýys berý qatysýshylarynyń mahabbatyna ıe bolǵan mýzykanttar kórermender kózaıymy syılyǵyn alatyn bolady.
Biraq syılyqtyń shyrqaý shegi fınaldyq shoý bolmaq. Munda da uıymdastyrýshylar bar qyzyqtarmen bólisýge asyqpaı otyr. Belgilisi keshti alty júrgizýshi júrgizedi, tehnıkalyq jaǵynan kómekke ýkraındyq mamandar keledi. Bıletter quny da ártúrli bolmaq, mysalǵa, fýrsheti bar VIP-aımaqqa ótý 15 myń teńge turady.